இந்தியா

கேரளாவின் சில பகுதிகளில் கனமழை பெய்யக்கூடும் என எதிர்வுகூறல்!

கேரளாவின் சில பகுதிகளில் இன்றும்(திங்கட்கிழமை) நாளையும் கனமழை பெய்யக்கூடும் என எதிர்வு கூறப்பட்டுள்ளது.
கேரளாவில் கடந்த ஜூன் மாதம் தென் மேற்கு பருவமழை ஆரம்பமானது. முதலில் போதுமான அளவு மழை பொழிவு கிடைக்கவில்லை.
எனினும் இம்மாத ஆரம்பத்திலிருந்து தென் மேற்கு பருவமழை தீவிரம் அடைந்தது. இதனால் கேரளாவில் பல மாவட்டங்களும் கடும் வெள்ளப்பெருக்கினால் பாதிக்கப்பட்டன.
குறிப்பாக மலப்புரம், கோழிக்கோடு போன்ற மாவட்டங்களில் பாரியளவில் மண்சரிவு ஏற்பட்டதால் பலரும் உயிரிழந்தனர். மழை வெள்ளத்தால் ஆயிரக்கணக்கான வீடுகளும் இடிந்தன. இதனால் பாதிக்கப்பட்ட மக்கள் நிவாரண முகாம்களில் தஞ்சமடைந்தனர்.
இதனைத்தொடர்ந்து மழை குறைவடைந்து இயல்புநிலை திரும்ப தொடங்கியதால் முகாம்களில் இருந்து மக்கள் தங்கள் வீடுகளுக்கு திரும்பினார்கள்.
இந்த நிலையில் கேரளாவில் இன்றும், நாளையும் கனமழை பெய்யக்கூடும் என கொச்சி வானிலை ஆய்வு மையம் எதிர்வு கூறியுள்ளது.
இடுக்கி, எர்ணாகுளம், மலப்புரம், கோழிக்கோடு, கண்ணூர் ஆகிய 5 மாவட்டங்களிலேயே இவ்வாறு கன மழை பெய்யக்கூடும் என எதிர்வு கூறப்பட்டுள்ளது.
இதன்போது பலத்த காற்று வீசும் எனவும், பல இடங்களில் இடி, மின்னலுடன் மழை பெய்யும் என்றும் வானிலை ஆய்வு மையம் அறிவித்துள்ளது.
இதைத் தொடர்ந்து இந்த 5 மாவட்டங்களிலும் அனைத்து துறை அதிகாரிகளும் தயார்நிலையில் வைக்கப்பட்டுள்ளனர்.

Related posts

வினைத்திறன்மிக்க வரவு- செலவுத்திட்டத்தை காங்கிரஸ் தயாரித்ததில்லை: தமிழிசைஅனைத்து தரப்பினருக்கும் ஏற்புடைய வரவு- செலவுத்திட்டத்தை காங்கிரஸ் தனது ஆட்சியில் தயாரிக்கவில்லையென தமிழக பா.ஜ.க தலைவர் தமிழிசை சவுந்தரராஜன் தெரிவித்துள்ளார். இடைக்கால வரவு- செலவுத்திட்டம் குறித்து நேற்று (வெள்ளிக்கிழமை) ஊடகங்களுக்கு கருத்து தெரிவிக்கும்போதே அவர் இதனை குறிப்பிட்டுள்ளார். அவர் தொடர்ந்து கூறுகையில், “ஏழை மக்கள் பயன்பெறும் வகையில் வினைத்திறன்மிக்க வரவு- செலவு திட்டத்தை காங்கிரஸின் முன்னாள் நிதியமைச்சர் ப.சிதம்பரம் தாக்கல் செய்துள்ளாரா? ஆனால், தற்போது மத்திய அரசினால் தாக்கல் செய்யப்பட்டுள்ள வரவு- செலவுத்திட்டத்தில் அனைத்து துறையை சார்ந்தவர்களும் பாதுகாக்கப்பட்டுள்ளனர். இதற்கு முற்பட்ட ஆட்சியில் வரி ஏய்ப்பவர்களே அதிகம் இருந்தார்கள். இன்று வரி கட்டுபவர்களே அதிகம் உள்ளனர். ஆகையால், 12 இலட்சம் கோடி இந்திய ரூபாய் அரசுக்கு வருவாய் கிடைக்கிறது. எனவே அவர்களுக்காக வருமான வரியில் சலுகை வழங்கப்படுகின்றது. இத்தகைய வினைத்திறனான வரவு- செலவு திட்டத்தை காங்கிரஸ் முன்னாள் நிதி அமைச்சர் ப.சிதம்பரம் தாக்கல் செய்ததில்லை. ஆனால் அவர் விமர்சனம் செய்கின்றார்” என தமிழிசை சவுந்தரராஜன் தெரிவித்துள்ளார்.

admin

ஃபானி புயல்: ஒடிசாவில் 8 பேர் உயிரிழப்பு

admin

பாகிஸ்தான் ஒப்பந்தத்தை கடைப்பிடிக்க வேண்டும் – இந்தியா வலியுறுத்து!

admin

Leave a Comment